Акча хикмәтләре
Казанда банк бүлеге янында бер ир-атны тукмаганнар. Бу хакта ТР буенча Эчке эшләр министрлыгының матбугат хезмәтендә хәбәр иттеләр.
31 декабрьдә көндез Чистай урамындагы банк бүлеге янында бер ир-атны кыйнаганнар. Ул әлеге банкта гариза язарга җыенган булган, әмма бина янында танышларын очраткан. Ир-ат сүзләренчә, алар аннан акча таптыра башлаган. Тиздән ир-атлар арасында низаг купкан һәм моның ахыры үзара тукмашу белән тәмамланган.
Шуннан соң зыян күргән ир-ат полициягә мөрәҗәгать иткән. Хәзер анда әлеге факт буенча тикшерү үткәрелә.
Нет комментариев