Әгерҗедәге “Радуга талантов“ балалар иҗаты йортында Әгерҗе станциясе һәм локомотив депосының 100 еллык юбилейларына багышланган картинг буенча ярышлар үтте.
Бәйге дүрт яшь категориясендә узды. Анда картинг секциясендә шөгыльләнүче 39 спортчы катнашты. Аларның әтти-әниләре дә осталыкларын күрсәттеләр.
ЮХИДИ бүлекчәсе начальнигы Олег Капилов, “Юл хәрәкәте куркынычсызлыгы“ учреждениесе җитәкчесе Раушания Тимкина, спорт бүлеге начальнигы Илдар Идиятов, Ижау төбәге буенча тимерьюлчылар профсоюзы җитәкчесе Лилия Әхмәтзакирова, балалар иҗаты йорты директоры Валентина Федорова җиңүче балаларга истәлек бүләкләре, медальләр, Кубоклар, Грамоталар тапшырдылар.
Нет комментариев