Әгерҗе данын яклыйлар
2 августта Ижауда узачак «Татар кызы-2020» республика конкурсының финалында, берничә сайлап алу этабын узган сигез татар кызы белән бергә, Әгерҗе данын яклап Гүзәл Галиуллина һәм Рузилә Акбашева катнашачак.
Рузилә Акбашева Әгерҗедә туып-үскән, 4нче мәктәпне тәмамлаган. Ул хәзерге вакытта Ижауда Самара дәүләт университеты филиалында белем ала. Гүзәл Галиуллина – Көчек авылы кызы, Удмурт дәүләт университеты студенты.
Шулай ук быел беренче мәртәбә нәниләр арасында «Нәни Асылташ» бәйгесе үткәрелә. Җиңүче титулы өчен алты кыз көрәшәчәк. Финалда катнашучылар бер-берсе белән гүзәллек, күркәмлек, сөйкемлелектә генә түгел, туган телне, мәдәниятне һәм гореф-гадәтләрне белү буенча да ярышачак.
Конкурста җиңүчеләрне кыйммәтле бүләкләр көтә.
Нет комментариев