Ватан батырлары көнендә Иж-Бубый авыл тарихы музеена чик сакчылары җыелды

Музей хезмәткәрләре алар өчен экскурсия уздырдылар. Сәүдәгәр Мөхәммәтҗан Әхмәтҗановның торгызылган йорты күп еллар элек авыл мәктәбе булып хезмәт итте. Районның чик сакчылары арасында да әлеге мәктәптә белем алучылар бар. Экскурсия барышында алар элеккеге уку кабинетларын, укытучыларны искә алдылар.

–    Танк, ракета, артиллерия һәм башка гаскәрләрдә хезмәт иткән райондашларыбызның да исемнәрен барлый башладык. Димәк, очрашулар дәвам итәчәк, – диде музей хезмәткәре Раиф Гәрәев.