Һава торышы билгеле
Татарстан гидрометцентры республика халкын куанычлы хәбәр белән сөендерде. Синоптиклар хәбәр иткәнчә, киләсе атнада бездә шактый җылытачак.
Бүген аерым районнарда көчле яңгыр булыр дип көтелә. Көндез 11-16 градуска кадәр җылылык көтелә.
Дүшәмбе көнне, 3 майда алмашучан болытлы һава булса да, яңгырлар вәгъдә итми синоптиклар. Көньяк-көнбатыштан талгын гына җил исүе көтелә. Һава температурасы төнлә 4-0 градус булса, көндез 16-21 градуска кадәр җылытачак. Ә инде 4 майда яңгыр да көтелә, шул ук вакытта һава температурасы 17-22 градус, ә кайбер районнарда +26 градуска кадәр җылытырга мөмкин.
Нет комментариев