Районда иң яхшы күрсәткечләргә ирешкәне – Иж-Бубый почта элемтәсе бүлекчәсе

5–15 апрельдә почта элемтәсе бүлекчәләрендә Әбунәче ункөнлеге уздырылды. Почта элемтәсе бүлекчәсе начальниклары, хат ташучылар бу чорда аеруча актив эшчәнлек алып бардылар.

Районда иң яхшы күрсәткечләргә ирешкәне – Иж-Бубый почта элемтәсе бүлекчәсе. Биредә өч кеше хезмәт куя.

– Минем биредә эшли башлавыма бер генә ел әле. Катлаулы булса да, эш нечкәлекләренә тиз төшендем. Без газета-журналларга язылу, товар, лотерея сату планнарын үтәп барабыз. Иж-Бубый һәм Иж-Бәйки авылларына 70тән артык район газетасы килә. Шуларның яртысыннан артыгына хат ташучы Асия Моратова, Гөлнур Берлячева белән бергәләп яздырдык. Бу көннәрдә башка басмаларга да актив язылдылар, – ди почта элемтәсе бүлекчәсе начальнигы Элиза Кәримова. 

“Татарстан Почтасы “ идарәсе Алабуга районара почтамтының Әгерҗедәге почта ташу һәм эшкәртү цехы җитәкчесе Мөнирә Рахмаева Салагыш һәм Шаршады почта элемтәсе бүлекчәләрен дә мактап телгә алды:

– Салагышта һәм Шаршадыда Нәсимә Әхмәтҗанова һәм Лариса Исанаева – үзләре начальник та, хат ташучы да. Әбунәче ункөнлегендә аларның активлыгы эш нәтиҗәләрендә ачык күренде, –  диде ул.
 

Тулысынча материалны газетабызның 14 санында укыгыз.