“Наҗар“ хуҗалыгы сыер савучысы республика бәйгесендә катнашты

Кичә Тәтеш районында республика күләмендә сыер савучылар бәйгесе узды. Ул 49нчы тапкыр үткәрелде. 

Терлекчеләр теоретик сорауларга җавап бирделәр, саву аппаратын сүтеп-җыйдылар,  сыер саву буенча ярыштылар. 

Безнең район данын “Наҗар“ хуҗалыгыннан Анжела Исмәгыйлева яклады. Аның терлекчелек тармагында эшләвенә 20 ел. Анжела бәйгедә дүртенче урын алды. ТР авыл хуҗалыгы һәм азык-төлек министры урынбасары Ленар Гарипов аңа “Җиңүгә омтылыш“ номинациясе җиңүчсе буларак Диплом, акчалата премия һәм бүләк тапшырды.