Ләйсән Гыймаева онкологиягә багышланган күргәзмәдә катнаша

Казанда «Мега» сәүдә үзәгендә «Онкология... Жизнь... До... И после...» дигән күргәзмә уза. Анда җырчы Ләйсән Гыймаеваның да фотосы бар, дип яза "Интертат".

«Минем әйткәннәрем кемгәдер булышыр дип уйлыйм. Кешеләр, авыру барлыгын сизгәч, озакка сузмыйча, шунда ук табибларга мөрәҗәгать итсеннәр иде», – дип язылган фото янына.

Җырчы бу чир белән очрашкан хатын-кызларның социаль челтәрдәге төркеменә сылтама да калдырган. Анда файдалы мәгълүмат һәм чаралар турында игъланнар да бар. «Сәламәт булыйк, тикшеренеп торыйк», – дип язган Ләйсән Гыймаева.