Красный бордагы приютка депутат килде

Красный борда урнашкан “Наз” приютына ТР Дәүләт Советы депутаты Айрат Зарипов һәм район башлыгы урынбасары Илфат Ямалиев килгәннәр.

– Җитәкчеләр приют эшчәнлеге белән якыннан таныштылар, балалар белән аралаштылар, кабинетларда, остаханәләрдә булдылар, – ди приют директорының тәрбия-тернәкләндерү эшләре буенча урынбасары Олеся Егорова.

Айрат Ринатович приютка рус һәм татар телләрендә китаплар, ә Илфат Ильясович бадминтон уйнау өчен ракеткалар җыелмалары бүләк иткәннәр.

– Очрашу ахырында кунаклар балаларга изге теләкләрен язып калдырдылар. Моның өчен бездә аерым теләкләр дивары булдырылган, – ди Олеся Ильясовна.