Әгерҗедә күп балалы ананы медаль белән бүләкләделәр

Татарстан Республикасы Президенты Указы белән балаларны тәрбияләүдә һәм гаилә традицияләрен ныгытуда күрсәткән хезмәтләре өчен Әгерҗедән биш бала анасы Козачук Елена Николаевна «Ана даны – Материнская слава» медале белән бүләкләнде.

Күп балалы анага бүләкне Әгерҗе районы башлыгы Азат Вәлиев тапшырды. Ул Елена Николаевнага балаларга лаеклы тәрбия биргәне өчен рәхмәт белдерде, бер-берсен сакларга, мәхәббәт һәм татулыкта яшәргә теләде.