Әгерҗедә “Йөрәгемне балаларга бирәм“ дип аталган һөнәри осталык бәйгесе узды

“Радуга талантов“ балалар иҗаты йортында өстәмә белем бирү педагоглары  “Йөрәгемне балаларга бирәм“ дип аталган һөнәри осталык бәйгесендә сыналдылар. 

Районыбыз мәктәпләреннән бер-бер артлы сәхнәгә күтәрелгән педагоглар Геннадий Орехов, Елена Самуткина, Радик Пажбеков, Любовь Панфилова, Алсу Салихова, Рөстәм Майоров, Надежда Иманова, Алсу Садыйкова, Ләйсән Галиәхмәтова турында район мәгариф идарәсе методисты Елена Шушакова:

–    Бу педагоглар балаларга сәләтләрен ачарга ярдәм итәләр, аларны үстерәләр, уңышка юл ачалар, – диде. 

Бәйгедә катнашучылар алдында өч сынауны узу бурыч итеп куелды. Болар – “Визит карточкасы“, “Өстәмә белем бирүдә балаларга белем һәм тәрбия бирүне оештыруның яңа формалары“ дигән темага мастер-класс күрсәтү һәм аңа үзанализ ясау. 

Барлык биремнәрне үтәгәннән соң жюри нәтиҗә чыгарды. Тирсә мәктәбеннән Ләйсән Галиәхмәтова Гран-прига лаек булды. 2нче мәктәптән Радик Пажбеков – беренче, 4нче мәктәптән Любовь Панфилова – икенче, “Радуга талантов“ балалар иҗаты йортыннан Рөстәм Майоров өченче урын ияләре