Төрек галимнәре коронавирусны 10 секунд эчендә ачыклый торган прибор уйлап тапкан
Приборның нәтиҗәлелеге 99 процент тәшкил итә
Төркиянең Билькент университеты галимнәре кешенең коронавирус инфекциясе йоктырганмы-юкмы икәнлеген 10 секунд эчендә ачыклый ала торган прибор уйлап тапкан. Бу хакта РИА Новости агентлыгы хәбәр итә.
Diagnovir җайланмасының эш принцибы үрнәкләрне репликацияләүгә түгел, ә оптик үзлекләргә нигезләнә. Моның өчен авыз куышлыгындагы лайлалы тышчаның үрнәге алына һәм ул махсус эретмә белән катнаштырыла.
«Процесс биосенсорлар өчен махсус эшләнгән уяткычларны ачыклау микросхемасы аша башкарыла», - дип белдерде галимнәр.
Алар әйтүенчә, клиникага кадәрге тикшеренүләр вакытында приборның нәтиҗәлелеге 99 процент тәшкил иткән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Районыбызга кагылышлы яңалыклар белән безнең Telegram-каналдан танышыгыз
Нет комментариев