Covid-19 вирусының иң куркыныч төрен атадылар
Барлыгы өч төре бар
Коронавирус вирусының иң куркыныч төре - ул вируслы пневмония белән үрелеп бара торганы. Бу хакта «Россия 1» телеканалы эфирында табиб Александр Мясников хәбәр итте.
Табиб авыруның барлыгы өч төрен билгеләде. Иң куркынычы - вируслы пневмония белән бергә үтә торганы. Андый төр пациентларның 10 процентында очрый. Ул хроник авырулар булган кешеләр өчен аеруча куркыныч тудыра. Мясников мәгълүматларына караганда, авыруның мондый төре белән авырып үлүчеләр саны якынча 30 процент тәшкил итә.
Тагын бер төре — симптомнар булмау: «анализ уңай булганда, авыру бернинди зарарлану билгеләрен дә сизмәскә мөмкин», - дип сөйләде ул.
Һәм, ниһаять, өченче төре - ОРЗ симптомнары белән үрелеп барган коронавирус инфекциясе. Бу төр иң таралганы. 2019 елда ачыкланган барлык ОРЗ белән авыручыларның 30 проценты шулай ук төрле типтагы коронавируслар белән бәйле.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Районыбызга кагылышлы яңалыклар белән безнең Telegram-каналдан танышыгыз
Нет комментариев