Күзләрдә нинди җитди авырулар билгесе була?

Кайбер җитди авыруларны кешенең күзенә карап белеп була. Бу турыда Медикфорум яза.

Күз алмасы яктылыкка мизгел эчендә реакция бирмәсә, бу деменция яки Альцгеймер авыруы билгесе булырга мөмкин. Күзләр кызарса, организмда инфекция булуы ихтимал, ул тиз уза. Ләкин күз гел кызарып торса, җитди инфекция яки ялкынсыну булуы мөмкин. Сирәк очракта бу глаукома билгесе дә була.

Күз алмалары саргайса, бавыр авырулары була, гепатит та булуы ихтимал. Аутоиммун авырулар, кайбер вируслар һәм яман шеш тә күз алмаларын саргайтырга мөмкин.

Күздә канлы таплар булса, артык йөкләнеш аркасында кан тамырлары шартлаган дигән сүз. Бу таплар кан басымы югары булуын, шикәр авыруын, канның ою үзлеге начарлануын да аңлатуы ихтимал.

Күзләр акаебрак торса, кешенең калкансыман бизе эшчәнлеге бозылуы ихтимал.

Чыганак: Интертат

Фото: pixabay.com