Табиблар чаң суга
Коронавирусның Британия штаммы Россиядә яз урталарында тарала башларга мөмкин.
Бу хакта ТАСС агентлыгы «Лидер медицина» медицина үзәгенең баш табибы – табиб-педиатр, йогышлы авырулар табибы һәм вакцинолог Евгений Тимаковка сылтама белән хәбәр итә.
«Британия штаммы безгә барыбер киләчәк, ул Россиядә яз урталарында таралыр, мөгаен», - дип искәртте белгеч.
Шул ук вакытта, табиб коронавируска бәйле чикләүләрне йомшарту нәтиҗәсендә «бездә инфекция йоктыручылар саны янә артачак, ә моңа юл куясы килми» дип кисәтте.
«Яңа штаммның сәламәтлек саклау системасына артык йөкләнеш китермичә, акрын гына таралуына әзер булып торырга кирәк», - дип сүзен төгәлләде Тимаков
«Татар-информ» агентлыгы Бөекбританиядә Covid-19 коронавирусының тагын ике штаммы ачыклануы хакында хәбәр иткән иде.
Нет комментариев