Коронавируска бәйле чикләүләр кире кайтырмы?
Авдонина сүзләренә караганда, Татарстанда соңгы тәүлек эчендә 47 очрак теркәлгән
Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтнең (Роспотребнадзор) Татарстан буенча идарәсе җитәкчесе урынбасары Любовь Авдонина әйтүенчә, республикада коронавируска бәйле чикләүләрне кире кайтарырга җыенмыйлар.
«Соңгы атнада авырулар санының бераз артуы күзәтелә — көн саен бер, ике, өч очрак теркәлә. Әмма бу әлегә критик күрсәткечләр түгел, бүгенге көндә вәзгыять тотрыклы дип бәяләнә. Өстәмә чикләүләр кертү өчен нигез юк", - дип ассызыклады ул.
Авдонина сүзләренә караганда, Татарстанда соңгы тәүлек эчендә 47 очрак теркәлгән. Пандемия башланганнан бирле республикада, рәсми статистика буенча, 153 мең кеше коронавирус белән чирләгән.
Чыганак: Шәһри Казан
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Районыбызга кагылышлы яңалыклар белән безнең Telegram-каналдан танышыгыз
Нет комментариев