“Ярдәм янәшә! Помощь рядом“ фурасы соңгы тапкыр килде

“Ярдәм янәшә! Помощь рядом“ республика хәрәкәте катнашында гамәлгә ашырылучы хәйрия программасы нигезендә Әгерҗегә дүртенче – соңгы тапкыр азык-төлек җыелмалары төялгән фура килде. 

Коронавирус пандемиясе вакытында мондый ярдәмне райондагы 750 гаилә алды.

Исегезгә төшерәбез: республика тарафыннан мондый җыелмалар уртача керемнәре яшәү минимумыннан түбән гаиләләргә һәм 65 яшьтән өлкәнрәк ялгыз гражданнарга, социаль яктан куркыныч хәлдә калган һәм ата-аналарның берсе алимент түләүдән баш тарткан, опека һәм попечительлек вазифалары бушлай башкарыла торган гаиләләргә бирелде. Азык тупланмаларын шулай ук кризистан аеруча зыян күргән үзмәшгуль һәм эшмәкәр гаиләләре дә алды.