Ут һәм металл белән: Әгерҗе-Южный СЛД электр-газ белән эретеп ябыштыручысы Александр Неклюдов предприятиедә инде 25 ел эшли

29 майда Россиядә эретеп ябыштыручы көне билгеләп үтелә. Дата рәсми рәвештә расланмаса да, Россия эретеп ябыштыручылары 30 ел дәвамында майның соңгы җомгасында һөнәри бәйрәм уңаеннан котлаулар кабул итә.

РФ Хезмәт һәм социаль яклау министрлыгы версиясе буенча, эретеп ябыштыручы һөнәре иң кирәкле 50дән артык һөнәр арасына керә. Бүген җитештерүнең бер генә тармагы да эретеп ябыштырусыз узмый бит. Әгерҗе-Южный СЛД электр-газ белән эретеп ябыштыручысы Александр Неклюдов предприятиедә инде 25 ел эшли.

– Мин эретеп ябыштыру эшләре белән яратып шөгыльләнәм, – ди Александр Анатольевич. - Минем эшемнең үзенчәлеге шактый төрле, чөнки төрле конструкцияләр, җайланмалар, инструментлар эшләү буенча төрле эретеп ябыштыру эшләрен башкарырга туры килә. Минем эшемдә һәрвакыт иҗади якын килү, фантазия һәм уйлап табу сәләте кирәк.

Әгерҗе депосында чирек гасыр хезмәт итү дәверендә Александр Неклюдов үзен җаваплы, тәртипле, эшчән, башкаручы, техник яктан белемле, аеруча катлаулы һәм җаваплы эретеп ябыштыру эшләрен башкаручы буларак танытты. Моннан тыш, ул предприятиедә тормышка ашырылган күп кенә рационализаторлык тәкъдимнәре авторы да.

-Мин слесарь-монтажчы вазыйфасында эшләдем, аннан Әгерҗе локомотив депосы җитәкчелеге эретеп ябыштыручы һөнәрен үзләштерүгә җибәрде, - дип искә ала Александр Анатольевич. - Укудан соң эретеп ябыштыручы булып эшли башладым. Эретеп ябыштыру эшенә гомер буе укыйлар, бу даими камилләшү процессы.

Әлбәттә, башка һөнәрдәге кебек үк, эретеп ябыштыручыга кыенлыклар белән очрашырга туры килә. Биеклектә, салкында, кышкы вакытта ачык һавада эретеп ябыштыру эшләрен башкарырга кирәк булган мизгелләр дә була.

– Мин үзем эшемне яратам, - ди Александр Неклюдов. – Көн саен үз эшемдә яңа ачышлар ясыйм, яшьләр белән бик теләп уртаклашам. Үз һөнәреңне ярату һәм тугрылык канәгатьләнү, шатлык, үз мөмкинлекләреңне тормышка ашыру хисләренә нигезләнгән, ди ул.