Шәһәрдә «Буран» планы игълан ителде
Синоптиклар фаразларына караганда, бүген көндез Татарстан Республикасы территориясендә 15 метрга кадәр көчле җил, буран көтелә, күз күреме 2 чакрымга кадәр начарлана.
Беренче чиратта кардан социаль объектларга керү юллары, җәмәгать транспорты тукталышлары һәм аеруча тыгыз трафиклы юллар чистартылачак.
"Техника нигездә, автомобильләр хәрәкәтенә комачауламас өчен, төнлә чыгачак. Шуңа күрә без шәһәрдәшләребездән үз машиналарын төнгә юл читләреннән алып куюларын сорыйбыз - бу безгә юлларны тагын да сыйфатлырак итеп җыештырырга ярдәм итәчәк», - дип билгеләп үтте "Әгерҗе шәһәре" муниципаль берәмлеге башкарма комитеты җитәкчесе Рафаэль Ниязов.
Шәһәр хезмәтләренә торак һәм торак булмаган фонд биналарының һәм корылмаларының, сәүдә объектларының, реклама конструкцияләренең, төзелеш техникасының һәм төзелә торган объектларның көчле җил вакытында саклау буенча күрсәтмәләр бирелде.
Шәһәрнең яшәешен тәэмин итү һәм ягулык-энергетика хуҗалыгы объектлары да аерым контрольгә алынды.
Нет комментариев