Россиядә РФ Конституциясенә төзәтмәләр буенча тавыш бирүнең төп көнендә комиссия әгъзалары тагын алты кешенең өенә баралар.
- Бер сайлаучы район үзәк хастаханәсендә дәвалана. Аның янына да барачакбыз, – ди Иж-Бубыйдагы 475нче участок сайлау комиссиясе әгъзасы Лилия Җәләетдинова.
Өйдә тавыш бирергә теләк белдерүчеләрнең күбесе өлкән яшьтәгеләр һәм авырулар икән. Алар алдан участок сайлау комиссиясенә телдән яки язмача хәбәр иткәннәр.
- Гаризалар бүген дә 17 сәгатькә кадәр кабул ителә, – диләр комиссия әгъзалары.
Өйдә тавыш биргәндә барлык иминлек чараларын да күрәләр.
Гомумән, Иж-Бубыйда 503 сайлаучы тавыш бирергә тиеш. Бүгенгә кадәр аларның 345е алдан тавыш биргән. Участокта барлык санитар таләпләр төгәл үтәлә.
Нет комментариев