Әгерҗедә автомобиль туктату өчен ЮХИДИ инспекторлары табель коралын кулланган (ФОТО)

15 июльдә кичке уннар тирәсендә исерек хәлдә транспорт чаралары белән идарә итүче затларны, шулай ук идарә хокукыннан мәхрүм ителгән затларны ачыклау буенча рейд үткәрелгән вакытта Россия Эчке эшләр министрлыгының Әгерҗе районы буенча ЮХИДИ инспекторлары Энергетиклар урамы буенча хәрәкәт иткән «Лада» машинасын туктатырга карар кыла.

Әмма машина йөртүче туктау турындагы законлы таләпләргә җавап бирми һәм хәрәкәтен дәвам итә. Полиция хезмәткәрләре эзәрлекләүне башлый, шул ук вакытта хокук бозучыдан тукталуны таләп итә.

Патруль машинасыннан аерылырга омтылып, шофер юл хәрәкәте кагыйдәләрен берничә тапкыр тупас боза, шуның белән гражданнарның тормышына һәм сәламәтлегенә зур куркыныч тудыра.

Якын-тирәдә башка автотранспорт һәм кешеләр булмавына инанып, инспекторлар табель коралын куллану турында карар кабул итә. Әмма машина йөртүче һавага ике кисәтү атуына да игътибар итми. ЮХИДИ хезмәткәрләре машинаның тәгәрмәчләренә атып туктатырга мәҗбүр була. 

Транспорт чарасы руле артында машина йөртү таныклыгы булмаган Удмуртиядә яшәүче 21 яшьлек ир-ат була. Кулга алынган егеткә карата административ хокук бозу турында беркетмәләр төзелгән.

Фото: Татарстан Республикасы буенча ЭЭМ матбугат хезмәте

Чыганак