Гаиләләр тулыланды
Бала туу - ул бәхет, аны берни белән чагыштырып булмый. Әгерҗе районында яшәүчеләр дә зур бәхет кичерде: берничә гаиләнең гаиләләре тулыланды.
Капаровлар гаиләсендә кызлары - Вирсавия туды, ул әлеге гаиләдә 6 сабый. Алексей һәм Мальвина гаиләсендә кызлары Мария туган. Илназ һәм Зөлфинә Хуҗиннар дүртенче уллары - Каюмны алып кайтканнар. Рөстәм һәм Эльвира кечкенә принц Эмирның әти-әнисе булдылар.
Ә 2020 елның 7 сентябрендә Әгерҗе районы ЗАГС бүлегендә гадәти булмаган, матур исемле өч сабый тууы теркәлде.
Руслан һәм Алсу Фарбаевлар гаиләсендә Амель исемле сабый дөньяга килде. Гарәп теленнән тәрҗемә иткәндә ул "өмет" дигән сүз. Рафаэль һәм Альбинаның кызлары - Нусейба туган. Бу-гарәпчә "игелекле" дигән сүз. Эдита гаиләсендә Ариана исемле сабый туды, аның исеме "изге" буларак тәрҗемә ителә.
Исегезгә төшерәбез, ЗАГС бүлеге мәгълүматларына караганда, узган айда районыбызда 18 бала туган: 7 малай һәм 11 кыз.
40 кеше: 15 ир-ат, 25 хатын-кыз вафат булды.
Җәйнең соңгы ае туйларга да бай булды. 20 яшь пар никахларын рәсмиләштерделәр. 11 пар аерылышкан.
Узган елның шул ук чорында 15 бала туган, 39 кеше үлгән. 18 пар язылышкан, 8 гаилә таркалган
Фото: https://pixabay.com/ru/photos/baby
Нет комментариев