Авылда яшәүче беренче һәм өченче балаларын тапкан әниләргә акчалата ярдәм бирелә

Ул түбәндәгечә түләнә:

• 25 яшькә кадәр беренче бала туганда 50 мең сум күләмендә. Әгерҗе районында бу төр акчалата түләү 16 хатын-кызга бирелде инде.
• 29 яшькә кадәр өченче бала туганда 100 мең сум күләмендә. Безнең районда аны 5 әни алды.

Беренче (өченче) бала туганда бер тапкыр бирелә торган әлеге пособиене алу өчен түбәндәге шартлар үтәлергә тиеш:

• сабый 2018 елның 1 январеннан соң туган булырга;
• пособие алучының РФ гражданлыгы булу;
• мөрәҗәгать итү көненә бала тапкан хатын-кызның Татарстан территориясендәге авыл җирендә кимендә өч ел яшәве.

Әгәр хатын-кыз ата-ана хокукларыннан мәхрүм яки чикләнгән (алда туган балаларына мөнәсәбәттә), баласы тулысынча дәүләт тарафыннан тәэмин ителүдә булса әлеге пособие түләнми. 

Бала тапкан хатын-кызның гомере өзелгән, ул ата-ана хокукларыннан мәхрүм ителгән очракта пособие баланың әтисенә яки опекунга алучыга бирелергә мөмкин.

Тагын бер мөһим шартны истән чыгармагыз: пособие бала туып алты ай узганчыга кадәр мөрәҗәгать иткән очракта гына билгеләнә.

Белешмәләр өчен телефон: 21066.

Эльвира ЗӘЙНЕТДИНОВА,

республика матди ярдәм күрсәтү үзәгенең Әгерҗе бүлекчәсе мөдире.