Әгерҗенең яшь артистлары «Йолдызлык“та катнаштылар

Дүшәмбе көн Менделеев шәһәрендә “Созвездие–Йолдызлык“ XXIII республика телевизион яшьләр фестиваленең зона этабында Әгерҗенең яшь артистлары да катнаштылар. 

“Хореография“ номинациясендә Иж-Бубыйдан “Карусель“ һәм “Хыял“ (җитәкчеләре – Гөлшат Җәләлетдинова), Әгерҗедән “Драже“ (Алена Самарцева), “Вокал“да Анастасия Савинова (Елена Скворцова), “Конферанс“ номинациясендә Салават Батыров, Виктория Павлова (Тамара Васильева), Данил Закиров (Рузилә Насыйрова) гала-концертта катнашу хокукы алдылар. Гала-концерт 7 мартта Менделеев шәһәрендә узды.