Татарстанда яшәүче ир-атның йөрәгендә ун сантиметр зурлыктагы шеш үскән

Чаллыдагы Ашыгыч медицина ярдәме хастаханәсенең баш хирургы йөрәктә үскән ун сантиметрлы шешне алу өчен операция ясаган. Бу турыда хастаханәгә сылтама белән НТР 24 каналы хәбәр итте.

Операция өстәленә ятканчы, бу ир-ат аңын югалтуга, йөрәге начар эшләүгә зарлана һәм табибларга мөрәҗәгать итә.

Тикшергәннән соң, аның йөрәгендәге камераларның берсе тулысынча диярлек шеш белән каплануы ачыклана. Шуңа күрә аның сәламәтлеге начарлана, шеш кан әйләнешенә комачаулый.

Баш хирург Рәмис Якупов шешне уңышлы алып ташлый. Ир-ат хәзер реабилитация уза, диелә хәбәрдә. 

Чыганак: Интертат 

Фото: pixabay.com