“Нур” мәчетендә мохтаҗлар өчен кием-салым җыю оештырылган

Әгерҗенең “Нур” мәчетендә мохтаҗлар өчен кием-салым җыю оештырылган.

– Аяк һәм өс киемнәре, сумка-­портфель кебек кирәк­-яраклар алып килүчеләр дә бар. Кайберәүләр яңа, тотылмаган әйберләр дә китерәләр. Аларны бик теләп мохтаҗларга бирәбез. Илтеп биргән чаклар да бар, – ди әлеге игелекле эш өчен җаваплы кардәшебез Дильмира Ибәдуллаева.

Мохтаҗлар өчен кием­салымны 9-­16 сәгатьләрдә китерә аласыз. Әмма аларның кулланылышка яраклы, юылган, үтүкләнгән, яхшы  хәлдә булырга тиешлеген исегездән чыгармагыз.

Киләчәктә мәчет аша мохтаҗларны тукландыруны оештыру кебек игелекле гамәлне чынга ашыру нияте дә бар.