Туй кунаклары утырган автобус тирән чокырга төшеп киткән, 25 кеше һәлак булган
Тагын 21 кеше имгәнгән
Һиндстанда туй кунаклары утырган автобус тарлавыктагы тирән чокырга төшеп киткән. Кимендә 25 кеше үлгән, тагын 21 кеше имгәнгән. Бу турыда «Вести» каналы хәбәр итте.
Фаҗига 5 октябрьдә иртәнге якта Дхумакот шәһәре тирәсендә була.
Автобуста иллеләп кеше бара. Урында 25 кеше мәетен тапканнар инде. 21 кешене хастаханәгә китергәннәр. Алты кешенең хәле бик авыр дип бәяләнә.
Шушы тирәдә иртәнге якта Гималайдагы Докриани-Бомак бозлыгына менеп баручы кешеләр төркемен кар басып китә. Биредә кимендә ун кеше һәлак була, тагын 18 кеше хәбәр сез югала, диелә хәбәрдә.
Чыганак: Интертат
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Районыбызга кагылышлы яңалыклар белән безнең Telegram-каналдан танышыгыз
Нет комментариев