Камада батып үлгән ир белән хатынның өч баласы ятим калган

7 апрельдә 11 сәгатьтә район диспетчерлык хезмәтенә Красный бордагы Кама елгасында ирле-хатынлы балыкчыларның юкка чыгуы турында хәбәр килә. 

Туганнары әйтүенчә, 1982 елгы ир һәм хатын иртәнге сәгать 5тә балыкка дип чыгып китәләр һәм ике сәгатьтән кире әйләнеп кайтачакларын әйтәләр. Шунда ук МЧС хезмәткәрләре, полиция, кече үлчәмле суднолар буенча инспекция, авыл җирлеге хакимияте, волонтерлар катнашында эзләү эшләре башлана.

Бераз соңрак аларга төбәк-зона эзләү-коткару отрядлары хезмәткәрләре һәм водолазлары да кушыла. 1360 һәм 1520 квадрат метр мәйданда Кама елгасы акваториясе тикшерелә. Эзләү эшләре нәтиҗәсендә 9 апрельдә ирнең, 10сында хатынның гәүдәләре табыла. Аларның өч балалары ятим кала, аларга 17, 15 яшь һәм кечесенә 8 ай,

МЧСтан хәбәр итүләренчә, якынча мәгълүматлар буенча фаҗиганең сәбәбе –   техника куркынычсызлыгы кагыйдәләрен бозу.