Бәрәңге үскән җиргә кышка нәрсә утыртып калдырырга?

Кышка сидератлар утыртып калдырылган җир язын фосфор-калийлы, азотлы ашламага бай була. Бу турыда киңәшләр сайтында язылган, дип хәбәр итә "Интертат".

Бәрәңге үскән җиргә кузаклы культуралар яки уҗым ашлыгы чәчеп калдырырга була.

3-4 төрле сидераттан торган катнашма утыртырга да ярый. Монда бөртеклеләр дә, кузаклылар да – арыш, вика, рапс, борчак, горчица булса яхшы.

Сидератларны көзге кыраулар төшә башлаганчы, 40-45 тәүлек алдан утырталар. Иң яхшысы – сентябрьнең беренче яртысы.

Орлыкларны туфракка күмгәнче, җирне йомшартырга кирәк, диелә хәбәрдә.