Район башлыгы «Агроволга 2021» күргәзмәсендә катнаша

Әгерҗе районы башлыгы Азат Вәлиев бүген Лаеш районында Кыр көнендә катнаша. Фотографияләр белән ул үз инстаграмдагы битендә уртаклашты.

Традицион күргәзмә - аграрийлар өчен иң мөһим вакыйгаларның берсе.

Исегезгә төшерәбез, быел «Татарстанда кыр көне» агросәнәгать күргәзмәсе яңа мәйданчыкта һәм «Агроволга 2021» исеме астында уза.

Агроволга 2021 - экспоцентр мәйданчыкларында ачык һавада агросәнәгать күргәзмәсен һәм эшлекле форумны үз эченә алган комплекслы чара. Өч көнлек программада авыл хуҗалыгының казанышларын һәм яңа технологияләрен күрсәтү, тармак бизнес-бурычларын билгеләү һәм хәл итү өчен тәҗрибә алмашу һәм форматлар каралган.