24-25 гыйнварда төнлә -30, урыны белән -35 градуска кадәр салкын булачак
Татарстанда якын көннәрдә суытып җибәрәчәк. Синоптиклар мәгълүматлары буенча, төнге температура -26, ә көндез -25 булачак.
24-25 гыйнварда төнлә -30, урыны белән -35 градус булачак.
26 гыйнварда да салкын һава торышы сакланыр дип фаразлана. Төнлә -28, урыны белән -32, көндез -12 дән -17 гә кадәр салкын көтелә.
Дәүләт автоинспекциясе машина йөртүчеләргә ерак юлларга чыгудан тыелып торырга киңәш итә. Көчле салкыннарда техник җитешсезлекләр һәм юл-транспорт һәлакәтләре куркынычы арта.
Автоинспекторлар юлга чыгар алдыннан автомобильне җентекләп тикшерергә, һава торышы буенча киенергә, үзең белән җылы әйберләр, кайнар чәй һәм ягулык запасы алырга кирәклеген искәртә.
Нет комментариев